|| عجينة روعة ، وبعدة اشكال ، بالصور ||

نونة الحنونة · #1 02-05-2008, 07:27 PM

مقادير العجينه :

المقادير بالكوب المعياري ( 250 مل )

2 كوب دقيق ( استخدم الدقيق السعودي)

3 ملاعق حليب بودره .

2 ملعقة طعام سكر ( او حسب الذوق )

ذرة ملح .

ملعقه خميره فوريه .

كوب ماء فاتر .

ملعقه سمن مهدرج بنكهة الزبده . ( ممكن استبداله بزيت )

الطريقه :

نذوب الخميره في الماء الفاتر والسكر حتى تتفاعل .

ثم نضيف الحليب . والملح

بالغالب اختصر الطريق واخلطهم مع بعض لاني متأكده من فعالية الخميره .

نضيف ملعقة السمن . ومثل ماقلت تقدرين تستبدلينه بزيت تقريبا ( خمس الكوب ) بس صراحه بالسمن تطلع أكثر طراوه وأروع .

والدقيق .

بالغالب اضيف الدقيق من غير مقدار يعني حسب الطلب واضيفه على شوي شوي . بس عشانكم حاولت اشوف المقدار وطلع معي كوبين .

لذلك اضيفي كوبين وإذا احتاجت اضيفي دقيق على شوي شوي .

وانتبهي العجين ممكن تبينلك طريه في البدايه بس مع الاستمرار بالعجن تقسى وتتكور ، لذلك يفضل إضافة الدقيق على شوي شوي .

وأحب العجين طريه نسبيا . بس ماتلزق .

نتركها تخمر حتى تتضاعف . ممكن تخمر في نص ساعه وممكن في ساعه حسب حرارة الجو .

وأكره العجائن المخمره بكثره يصير لها ريحة خميره وايضا مهما حمرتيها ماتحمر غير انها تكون متيبسه .

هذي شكلها بعد التخمير .

> يتبــــع <

نونة الحنونة · #2 02-05-2008, 07:34 PM

نبدأ بتشكيل العجين حسب الصنف اللي تبينه .

ممكن تصلحين فيه فطائر جبن ، زعتر ، نقانق ، سبانخ ، ميني بيتزا ، بيتزا كذابه ، أقماع ، سينامون ، دوناتز ...... الخ .

بالنسبه للسينامون والدوناتز عندي طريقه عجين خاصه بهم ، بس لو كنت مستعجله اعجن عجينه وحده واصلح فيها عدة اصناف اللي هي هذي العجينه وصورتها لكم .

فطاير الجبن والزعتر

طبعا صلحي حشوه مثل ماتحبين ، بس انا احشيها بالغالب اما بجبن البقره الضاحه ، او تخلطين زيت وزعتر وتحشين فيه الفطاير .

واستخدمت طريقة الللف الشبيهه بالكروسون .

قسمي العجين لكرات .

وافردي كل كره بالنشابه وقطعيها بهالشكل .

واحشيها جبن . او اللي تبينه .

ولفيها .

ادهني وجهها بالبيض .

وزيني الوجه بالسمسم او الأعشاب .

هنا زينتها بالزعتر .

دخليها فرن متوسط الحراره مسخن مسبقا ، لمدة عشر دقائق ، بعد العشر دقائق شغلي الشعله العلويه هالهادي وخلي الوجه يحمر . طبعا هذا الوقت اللي تاخذه معي العجين ممكن تاخذ اكثر . حسب فرنك .

وهذي بعد النضج .

وهذي قضمه عشان تشوفون العجينه من الداخل .

> يتبـــــع <

نونة الحنونة · #3 02-05-2008, 07:38 PM

خذي قطع صغيره من العجين واحشيها باللي تبين ، انا حشيتها بجبن لافاشكري .

رصيها في صينيه واتركي فراغات بين كل حبه وحبه .

واتركيها تخمر قليلا

واضغطيها شوي بيدك .

وادهنيها بيض وورشيها سمسم

وادخليها الفرن حتى تنفصل الاطراف عن الصينيه .

وحمريها من فوق .

ولك الخيار تبين تقدمينها مثل ماهي ، او تسقينها بالاحرى تدهنينها شوية شيره .

> يتبــــع <

نونة الحنونة · #4 02-05-2008, 07:49 PM

الاسم ملطوش من بيتزا هت ، عندهم فطيرة بالسينيمون ( قطع سينيمون ) طعمها حليل . صلحت نفس الفكره بس بشكل اكبر وأعمق .

أدهني صينيه بالزبده ، وصورتلم جنب الصينيه السكر الاسمر اللي راح نستخدمه في الوصفه

سيحي في صحن زبده ، وفي صحن آخر أخلطي ( سكر اسمر قرابة نصف كوب ، ملعقه سينيمون ، نص ملعقه سكر الفانيليا ، ملعقه صغيره نشاء )

الحين خذي قطع من العجين صغيره مو مثل الخليه لا صغيره مره وبدون ماتكورينها خلي شكلها عشوائي . واغمسيها بالزبده

وبعده بخليط السكر .

ورصيهم في الصينيه بهالشكل .

لين تعبين ثلاث ارباع الصينيه .

دخليها الفرن لين تنضج .

واقلبيها في صحن التقديم واسقيها باللي تبينه ، انا كنت مستعجله سقيتها نستله .

وزينيها بالمكسرات .

> يتبـــــع <

نونة الحنونة · #5 02-05-2008, 08:01 PM

افردي العجينه بشكل متساوي . وادهنيها زبده ورشيها بخليط السكر الاسمر ( السابق ذكره في الوصفه اللي قبل )

ولفيها على شكل رول .

وقطعيها

ورصيها في صينيه بهالشكل .

خليها تتضاعف شوي بهالشكل

ادخليها الفرن لين تنضج .

وقدميها على طريقتك .

> يتبــــــع <

نونة الحنونة · #6 02-05-2008, 08:10 PM

الدوناتز

شكلي العجينه اقراص .

واضغطيها قليلا براحة يدك .

وهاتي غطى علبه ( استخدمت غطى علبة الخل ) واضغطي نصف القرص لقطع العجينه .

شيلي الغطى

اقلي الدوناتز

وغلفيه بالسكر او الصوس اللي تبينه .

استخدمت سكر الكاسترد في تغليف الدوناتز .

> يتبــــع <

نونة الحنونة · #7 02-05-2008, 08:21 PM

عجينة الكلزوني شبيهه بالبيتزا تجي قاسيه شوي بس باختلاف انك تطبقين طبقتين من العجين ، وان شاء الله افرد موضوع لطريقتي في البيتزا والكلزوني .

بس هذي طريقة عالسريع كنوع من التغيير .

افردي العجين ، وهاتي قطاعه واقطعيها بشكل دائري( ممكن تستخدمين كأس ) او مربع .

واحشيها ( جبنة موزوريلا مبشوره وزيتون ، واي نوع ثاني من الجبن اللي تفضلينه )

اطبقي طبقه ثانيه من العجين فوق الحشوه بهالشكل .

وإضغطي بالشوكه على اطراف العجين عشان نسكرها .

ادهنيها بيض ، ورشيها بجبنة البارميزان ( البارميزان يسار الصوره )

يخبز.

ويقدم .

تم بحمد الله . وبالعافيه عليكم .

الوصفــات كلها منقـــوله

ملاحظة : إذا الصور ما ظهروا عندكم جددوا الصفحة وإن شاء الله تشوفونهم

دمتم بـ نقـاء

miley · #8 02-05-2008, 11:24 PM

مشكــــورهـ ع المجهود الحــلوو ..

ربــي يعطيك العافــيهـ ,,

نترقب جديدكــ ’’

سِحر الهديل · #9 02-07-2008, 12:17 AM

يعطيك العافيه نونه الحنونه ع الطرح الجميل
موضوع حلوووو ,,
تسلم يدينك الحلووووه ,,,
وبأنتظار القادم مما لديك ,,
تحيتي ,,

لحن الشوق · #10 02-07-2008, 04:17 AM

يسلمووووووو نونه ع المجهود المميز
يعطيك العافيهـ
..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
\|\| هومي كيك بالصور روعة \|\|	نونة الحنونة	مطبخ الأسرة	10	02-10-2008 05:47 PM
نصائح سوداني..بالصور....حياك	ياقوتة ورديه	منتدى الرسوم و الصور و الفيديو	7	01-08-2008 05:18 PM
الكبة المقلية بالصور روعة	نونة الحنونة	مطبخ الأسرة	4	11-07-2007 06:58 AM
لا يطوفكم عجينة للإستخدام المنوع ،، بالصور	نونة الحنونة	مطبخ الأسرة	8	05-03-2007 08:58 AM

الذين يشاهدون محتوى الموضوع الآن : 1 ( الأعضاء 0 والزوار 1)