بــــــــــــــــاك من جـــــديد ..

الســـلام عليكم ورحمة الله ..




كذه تحرجني من جـــد .. صحيح أخذنا هالشي في الكـــلية .. بس كذكـــر أمثــــله .. وكان أكثر ما أنذكر عندنا القطيف وتكلمنا فيها عن أماكن توفر المياة وعن زيادة التصحر وبس


والله تمنيت دراستنا عملية .. مافيه الأ تمسكي هالكتاب ويلا على الحفظ ويوم قررت أحدى الدكتورات

الله يذكرها بالخير عمل مسح ميداني للكلية .. صار حادث في الكلية الأرض الي كان البنات واقفين فيها هجمت لأنها كانت مجاري ومغطيه بخشب كان يوم مأسآوي

الحمد لله جات سليمه ..


العصير أذكره زين ما زين ..

وأتذكر بعد عصير جدتي الله يرحمها تحبه على طماطم وطعمه مالح ..بس شنو أسمه ما أذكر لونه مــن بره أحمـــر ..

أيه والدبس أذكـــره .. بس حاليا نأخذه في سطـــل ..

أســم البقالة عجبنــي ..وعلى سالفة البقالة يا ما صارت في بيتنا وأخواني ما قصروا أستملكوا مصروفنا من كثر السلف

ويلا نكمــــل ذكرياتنا ..

أنا أول ما وعيت على الدنيا أذكر ما كنا نروح الدكان نشتري أكل نتجمع البنات ونروح ألي المرحومة أم عبد الله ..

على طـــاري الأكـــل .. قبل كنا نموت في شــي أسمه ربيان هيا ألي المدرسة نروح نشتري وإذا ما نلقاه نحزن وأنا وحده ما أرضى أعطي حد منه <<

وهذه صـــورته ..



وعلى ذكـــر المعلـــم والمعـــلمة .. الله يعطيها العافية يا رب ويطول في عمرها .. أذكر كان لما نبي نسجل في المعلم
نعطيهم بخور وكم بيضــه .. وأذكر جلستنا هناك وناااسه ذيك الأيام ..
وأذكـــر بعــد كانوا يبيعــون لنا الخرفاش الي ينقلي في الزيت وهو ألوان ..

من قبـــل نتجمـــع حنا والبنات ونسوي حالنا نطبخ وشوفوا شنو آخر اختراعاتنا ذره مع صاص أبو ذيك

وأنا أمشي من كم يوم ذكــرت بقاله حاليا خياط .. كانت ملك بيت طلاق ..رحمة الله عليه ..

وتذكـــرت من أول نشـــوف سيارة بس تخص مين الله أعلم طلعتنا من المدرسة البنات نستغرب لان شكلها ضفدع ولونها أخضــر ومسكينة هالسياره ياما أيام نلاقيها طايحه في ضلـــع هههه


أذكـــر عيسى أبو يوسف الله يطول في عمره يبيع الخبر الأحمـــر والوريـــــد والبقل والتوف والكنـــار والكعك

أيـــام الفـــريق وذكـــرياتها .. كان قبـــل النســــوان في الصبـــاح يتجمعـــون في بيت وكـــل وحده تأخذ معاها صحـــن ويجلسون على التمـــر والقهوة والســوالف وكل وحده تساعد الثانية في نقــي العيش ..
وبعضهـــم يجلســـون يسفـــون سعف النخيـــل ويعملوا لنا زبيب وسفــــرة وشغلات كثيرة

بعلمكم على شطا نتنا من أول كنا ندق على العالم الجرس أو الباب ونهرب ولا حد يشوفنا

ذكرياتي مع يوم الخميس كان ممــيز كثير بالنسبة لي كان الوالد الله يطول في عمره يشتري الي لعبه

بنووته حلوه كثير بس مسكينة شعرها كله يروح فيها من كثير ما أمشط فيها وتصير صلعه هههه

وعلى أيام ماكنا صغار كنا دايم نقلــد أمهاتنا كنا نشوفهم يصفطون السمك .. تتخيلوا حنا ويش كنا نعمل

نصيد الحراسين ونصفط ألي يشوف الحين الوحدة ويش كبرها خخخخخ

وكنا دايم قريب من هاالمكان نلعب في الرمــــل وكل وحده تتفنن فينا إلي تسوي بيت والي قلعة ..

وأذكر نتسابق على الحفر في الرمـــل والي تلاقي أي شي يكون ملكها ..

وكنا نلعب لعبـــة أسمها الــزانـــــه والكـــل يعرفها زين ..

الى هنا .. تنتهي ذكرياتي والباقي للمشاركة الثانية ..

تحياتي للجميع