صبــــــاح الخير .. للجميع وبالأخص لصاحب الموضوع وللمشاركين فيه ..

مع أنـــي تعبانه وميته نعس وتوني جايه من الكورنيش .. في بالي كم شغله بقووولها لكم

ما ذكرتها من قبل ولا تناسيتها بس جات في بالي .. وقلت ما راح أذكرها مره ووحده .. بكذه يكون في

الموضوع تشووويق ونعطي المجال لغيرنا

بسم الله نبتدي ..

بالنسبه لبعض الشغلات الي ذكرتها من قبل ( التغذيه ) اللوبه وغيره تدرون بأيش يحطونه في علب الروب وللحين نذكر لما يصير العشاء عندنا أقوول للبيت أنتوا ما تعرفوا تعملوا مثل فلانه

تذكرت شخص كان يبيع خبز التاوى أظنه مو من الحـــله بس كـــان أكله حلووو وهو رجال كبير في السن
ويبيعه وهو راكب سيكل

في رمضان تذكرت أيام الفلافل واللحم المشوي وكانوا بيت علي حسن الجنبي يعملوا بس شي بصراحه لا يعلى عليه ولا عمري ضقة فلافل مثل ما يعملوه

وتذكرت أيام المسحر أحمد البوري آآآخ أيام وراحت

أجل السلة تفشل هاااااا زين أنك أعترفت بالشي هذا ههههه

تذكرت شغله ثانيه على أيام المرحوم المأذن عيسى الغاوي كنا نروح النخل عنده ونساعده أهو وزوجته نلم التوف والكنارواللوز وما يقصروا في كل مره نساعدهم فيها يعطونا سحاره

يخضور عين المصريه والغريري أول مره أسمع فيها

تذكرة شغله ما ذكرتها في مشاركتي السابقه لاني رديت وأنا مستعجله ..

على أيام الكبره
فيه شخص كمان مدري أهو كان يبع في الكبره من بيت الأحمر وهو مشهور بصنعه للفخار مثل الحصلات والقدو وهيك شغلات الله يرحم الأموات منهم والله يطول أعمار الأحياء ويحفظهم ..


وعلى سالفت كابتن ماجد .. خلصنا منه ورحنا على الكابتن رابح وضربته المشهوره واللي عاد ما تصدق

بس مو ذاكره شنو أسمها بالضبط .. الصاروخيه والا الصقر مدري والله


بالنسبه أخوووي للألعاب

أتذكر لعبت الخطه نخط في الشارع شكل معين بالفحم أو الطبشور وكان فيها تنافس حلوو كثير

عااد الحين بتقولون عني صبي ههههه لأن حتى لعبة الدوامه لعبتها ووناسه وولعبت التيله ولعبه كنا نصف فيها قواطي الحليب فوق بعض ونضربهم بكوره صغيره بس مو ذاكره شلون
ولعبة الرمل كنا ندفن جسمنا بالرمل ونشوف مدى قوتنا في هالشي ههههه صراحه أيام ما تنسى

تذكرت شغله كنت وما زلت أموووت فيها لعبت الأتاري كنا نلعبها كثير ولا نمل تدرون بس من كم سنه قلت الى أحد من أخواني أشتري الي لعبت الأتاري أبي ألعب لعبة الحرامي ولعبت الطائرات
تدرون ويش رد علي قال الي تبي تفشليني ما فيه حد الحين يشتري هيك ههههه

وكل اللعب اللي ذكرتها كمان في بالي وما نسيتها .. ما شاء الله عليك ما خليت شي

أخوي العانه مش مكانها مدرسة البرهان في الفريق أتذكرها زين من اوول أتذكر أمي تحمل طشت الثياب والمواعين وتروح تغسل فيها وهناك تجمع النسوان من الصباح

وتذكرت شغله من أول المعاريس كانوا يطبخون فيه الرجاجيل وأتذكر يووم صار جنب بيتنا في الأرض الكبيره ونستانس نرووح ونطالع وغير ذلك يجيبون معاهم سياره كبيره أو شي مدري شنو بالضبط يحطون فيه الحطب وكنا نتعلق عليه ههههه

وأتذكر شغله من الشطانه مره كنت أمشي جنب النار والحطب ودست على جمر وما رجعت البيت والا ودموعي أربع أربع أيام ما تنسى ..أسبوع ورجلي في ثلج ومراهم والحمد لله خفت لانه كان حرق طفيف

حبيت أخوووي أني أشاركم بشغلات تذكرتها من رمضان كنت عامله مسابقه لمنتدى الصور وكانت فكرة المشرف العام
نبحث فيه عن ثراث الحله .. وأن شاء الله أحصل لكم كم صوره وأحطه لكم ..

أسمح لي أخوووي هذرت وعورت راسك .. وفيه شغلات بس ماراح أذكرها الحين وأن شاء الله أرتبها في بالي وأذكرها لكم في مشاركات ثانيه ..

الله يحفظك أخـــوي ورحم الله والديك .. من جد أستمتعنا ..

تصبحون على ألف خير